Kanada Venesuelaya qarşı sanksiyalarını genişləndirib

Kanada Venesuelaya qarşı sanksiyalarını genişləndirib
20:07 15 Aprel 2019
49 Digər
Ölkə mətbuatı
A- A+

Kanada hökuməti Venesuelanın daha 43 vətəndaşına qarşı sanksiya tətbiq edib.
“Report” “Reuters”ə istinadən xəbər verir ki, bu barədə ölkənin xarici işlər naziri Kristia Frilandın rəsmi bəyanatında deyilir.
O, konkret adlar göstərməsə də, məhdudlaşdırıcı tədbirlərin Maduro rejiminin ali rütbəli rəsmilərinə, bölgə qubernatorlarına, demokratik təsisatların sarsıdılması istiqamətində tədbirlərdə bilavasitə əli olanlar”a qarşı yönəldiyini vurğulayıb.
“Maduro diktaturası hazırkı böhran üçün, venesuelalıların təməl hüquq və ehtiyaclardan məhrum olunması üçün hesabat verməlidir. Kanada Venesueladakı Konstitusiya demokratiyasının dinc bərpasına dəstək verir”, - bəyanatda qeyd olunur.
Bu gün kanadalı nazirin həmçinin Venesuela müxalifətinin lideri Xuan Quaidonu dəstəkləyən Lima Qrupu ölkələrinin Çilinin paytaxtı Santiyaqodakı toplantısında iştirak edəcəyi gözlənilir.
Qeyd edək ki, Kanada bundan əvvəl Venesuelanın 70 vətəndaşına sanksiya tətbiq etmişdir.

Xəbərin orijinal ünvanı: https://report.az/diger-olkeler/kanada-venesuelaya-qarsi-sanksiyalarini-genislendirib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR